ஈழம்

#தேசியத்தலைவர் #பிரபாகரன் இறுதியுத்ததின் இறுதி உரை ! #ஈழமறவர் #ஈழம் #தமிழர் #புலிகள் #ltte #Tamil #Eelam

Posted on

முள்ளிவாய்க்கால் கடற்பரப்பில் இறுதியுத்ததின் உக்கிரம் ஏறிக்கொண்டிருந்த நாட்களில் இயக்கத்தின் இரண்டாம்நிலை தளபதிகளை தலைவர் சந்திக்கின்றார்.சந்திப்பு இரவு பொழுதில் நடக்கின்றது.சிறுதுளியும் பதட்டமின்றி கண்களில் ஞானத்தீட்சை பெற்றவராய் ஒவ்வொரு சொல்லிலும் நம்பிக்கையின் உயிர்துடிப்பு.

#அண்ணண்_கதைக்கின்றார்

“தினையான் குருவி கண்டிருக்கியளோ வேலிகளில் பூச்செடிகளில் வயல்வெளிகளில் விநாடிக்கு இருமுறை வாலை ஆட்டி சிலிர்ப்பிக்கொண்டு தினைகள் சேகரிக்குமே தினையான் குருவி.குருவி இனங்களிலேயே மிகவும் சிறியது இதுதான்.ஆனால் வெயில் மழை புயல் பாம்பு காற்று இதுபோன்ற தன் எதிரிகளிடமிருந்து தன்னை பாதுகாத்து கொள்கின்ற ஏற்பாடுகளை சிறுக சிறுக ஆனால் கச்சிதமாகவும் பிசிரின்றியும் தன்னம்பிக்கையோடும் செய்யும்.நீங்களும் தினையான் குருவிபோல இருங்கள்.

போராட்டம் இன்று மிகவும் பின்னடைவு கண்டிருப்பது உண்மைதான் ஆனால் தினையான் குருவிகளை போல எமது போராட்டத்தையும் எமது மக்களுக்கான வாழ்வையும் மீளக்கட்டியெழுப்புவோம்.எதற்க்கும் அஞ்சாதீர்கள் நாம் எண்ணிக்கையில் மிகச் சிறியவர்களாக இருந்தபோதும் நமது தளராத மனவுறுதிதான் போராட்டத்தை பெரிதாக வளர்த்தது.அதே மனவுறுதியுடன் இருங்கள் பாரதி சொன்ன அக்கினி குஞ்சுகள் போலவும் இருங்கள். நமது வளங்கள் அழிந்து குறுகிவிட்டோமே என்று மனம் தளராதீர்கள்.முக்கியமாக அஞ்சாதீர்கள்.நம்பிக்கை இழக்காதீர்கள்.கொடூரத்தின் உச்சத்தில் நின்று கோரதாண்டவம் புரியும் சிங்கள பேரினவாதக் காட்டை அழிக்க பொந்திடை வைக்கும் சிறு அக்கினி குஞ்சு கானும்.எனென்டால் உண்மையும் நீதியும் வரலாறும் என்றானாலும் நமது பக்கமாய்தான் இருக்கமுடியும்.உடலை மட்டும் கொன்று விடுதலை வேட்கையை கொல்ல முடியாதவர்களை கண்டு ஒருபோதும் அஞ்சாதீர்கள.

தினையான் குருவிகள் போலவும் அக்கினி குஞ்சுகள் போலவும் நீங்கள் இயங்கினீர்களென்றால் விடுதலைப் போராட்டம் நிச்சயம் மீண்டும் துளிர்க்கும்.பீனிக்ஸ் பறவைகள்போல அழிவின் சாம்பல் மேட்டிலிருந்து நாம் உயிர்துடிப்புடன் எழுவோம்.நமக்கு முன்சென்ற மாவீரர்களை விதைத்த போதெல்லாம் அவர்களை நாம் புதைக்கவில்லை விதைக்கின்றோம் என்று சொல்லிதான் விதைத்தோம்.பல்லாயிரம் மாவீரர்களினதும் எவ்வளவோ இடர்களை தாங்கி எம்மோடு நடந்த மக்களதும் தியாகங்கள் வீண்போக முடியாதென நம்புங்கள்.

குறிப்பாக நெருக்கடியான இன்றைய சூழலிலும்கூட நம்மோடே உணர்வு கலந்து நிக்கிற மக்களை நினைக்கதான் வேதனை.விடுதலைக்காக நம் மக்கள் நிறைய விலை கொடுத்துவிட்டார்கள்.அவர்களின் துயரத்தை குறைக்க என்னவெல்லாம் நம்மால் செய்ய ஏலுமோ அனைத்தையும் செய்யுங்கள்.நம்மிடம் உள்ள உலர் உணவு மருந்து பொருட்கள் எல்லாத்தையும் மக்களுக்காய் கொடுத்திட தளபதிமாருக்கு சொல்லிட்டேன்.தமிழ் மக்களது வரலாற்றில் நமக்கு கொடுமைகள் செய்து அவலம் தந்தவர்கள் பலருண்டு ஆனால் ராஜபக்சே சகோதரர்களைபோல. கொடுமை செய்தவர் எவருமில்லை.

இவர்கள் தேர்தலில் வென்று ஆட்சிக்கு வர விடுதலைப்புலிகள் இயக்கமும் காரணமாக இருந்ததென்ற குற்றசாட்டு நீங்கள் அறியாதது அல்ல.பின்னோக்கி பார்க்கையில் அக்குற்றசாட்டு உண்மைதான் இயக்கம் அப்படியொரு முடிவினை எடுக்ககாரணம் தனது கொடூர மூர்க்கத்தனத்தினால் தமிழ் ஈழத்திற்கான புறசூழலை ராஜபக்சே அரசு உருவாக்குமென இயக்கம் எதிர்பார்த்தது.ஆனால் #இந்தியா_எமக்கெதிராய்_இத்துணை_இறுக்கம்காட்டுமென்றும்_ராஜபக்ஷே_அரசுக்கு_முழுபக்கபலமாய்_இருக்குமென்றும் இயக்கம் எதிர்பார்க்கவில்லை.எமது மக்களின் வாழ்வுக்கு இந்தியா எவ்வளவு முக்கியமென்பதை இப்போதும் நாம் உணர்ந்திருக்கின்றோம்.சிங்கள பேரினவாதம் எத்துணை கபடமும் போலித்தனமும் கொண்டது என்பதை இந்தியா உணர்ந்து வருத்தபடுகின்றநாள் நிச்சயம் வரும்.

இப்ப இங்க நிக்கிற நீங்களென்டல்ல இயக்கத்தின் எல்லா போராளியையும் என் சொந்த பிள்ளைகளாகதான் வளர்த்தேன்.பல்லாயிரம் போராளிகளை நாம் இந்த விடுதலைக்கு ஈகம் செய்தோம்.அதைவிட பெரிய நம்மக்கள் செய்த தியாகங்கள் எதையும் நம்மறக்கமுடியாது.அந்த சகலபேரது நினைவுகளின்ட புனிதசுமையை உங்க தோளிலதான் நான் நம்பிக்கையோடு வைக்கிறேன்.உயிரை கொடுக்க அச்சமில்லை என்ற தியாகமும் உறுதியும்தான் போராட்டத்தை வளர்த்தது அதே உறுதியுடன் முன் செல்லுங்கள் வரலாறு நமக்காக மீண்டும் வரும்.

இருநூறு வருடங்களுக்குமுன் பண்டாரக வன்னியன் இதே நிலத்தில்தான் விடுதலைப்போர் புரிந்தார் இதே முல்லைத்தீவில் வெள்ளைகாரன்ட கோட்டையை தகர்த்தார்.ஆனால் துரோகி காக்கை வன்னியனால் காட்டிக்கொடுக்கப்பட்டு கற்சிலைமடுவில் வீரகாவியமானார்.அன்று தரையில் விழுந்த பண்டாரகவன்னியனின் வாள் மண்முடி கூர்மழுங்கி துருப்பிடித்து இனிமேல் யாரும் பயன்படுத்தமுடியாது எனுமளவிற்கு ஆகிகிடந்தது.தமிழனின் வீரத்தை பறைசாற்றிய வீரத்திற்க்கு எடுத்துக்காட்டாக இருந்த அந்த வாளை இருநூறு ஆண்டுகளாக ஒருவரும் தொடவுமில்லை ஏறெடுத்துப் பாக்கவுமில்லை.

துருப்பிடித்து கூர்மழுங்கி கிடந்த அந்த வாளை இருநூறு ஆண்டுகளுக்குபின் தமிழீழ விடுதலைப்புலிகள் இயக்கம் துணிவுடன் கையிலெடுத்தது இலட்சியஉறுதி இடைவிடாது பயிற்சி தியாகம் என நினைத்து பார்க்க முடியாத ஈகங்களால் அந்தவாளை பட்டைதீட்டி மேலும் கூர்செய்து பளபளக்கும் போர்வாளாக அதை உயர்த்தியது.தமிழீழ விடுதலைப்புலிகள் இயக்கமே அந்த போர்வாள் அது உறையில் கிடக்கவுமில்லை தரையில் விழவுமில்லை இனியும் உயர்த்தி பிடித்தபடி களமாடுங்கள் தமிழர்கள் அனைவருக்குமான போர்வாளாக நான் இதை தருகின்றேன் இனி இது கீழே விழக்கூடாது துருப்பிடித்துவிடக்கூடாது அந்த புனித கடமையை நான் உங்களிடம் ஒப்படைக்கிறேன்.

இதே மண்ணில் 15ஆண்டுகளுக்கு முன் நாம் நடத்திய காட்டிய வரலாறு மீண்டும் வரும்.தினையான் குருவிகளைபோல அமைதியான உழைப்பும் அக்கினி குஞ்சுகளை போல அகத்தே நெருப்பும் சுமந்து தணிந்து போகாத விடுதலை தாகத்துடன் இயங்கினீர்களென்டால் புலிகளின் படை மீண்டும் முல்லைதீவில் தரையிறங்கும். நான் உங்களோடுதான் இருக்கின்றேன்.

#புலிகளின்_தாகம்_தமிழீழத்_தாயகம்
#தேசியத்தலைவர்

பிரபா செழியன் Tazama Chache

தலைவர் #பிரபாகரன் தலைமை, ஆளுமை, அப்பால் சிறந்த பண்பாளர் ! #ஈழமறவர் #ஈழம் #தமிழர் #புலிகள் #ltte #Tamil #Eelam

Posted on

தேசிய தலைவர் அவர்கள் போராளிகளை ஓர் தந்தை எவ்வாறு தன் பிள்ளைகளை வளர்த்தெடுப்பாரோ அவ்வாறு வளர்த்தெடு த்தார் .. தன் பிள்ளைகளுக்கு சமமாக போராளிகளை வளர்த்தார்.

தலைவர் பிரபாகரன் அவர்களின் தலைமை, ஆளுமை, உறுதி, கொள்கை வழுவாத் தன்மை பற்றி எவருக்கும் தெரியாமலிருக்கா து. அதற்கு அப்பால் அவர் சிறந்த பண்பாள னாகவும் பிறர்மேல் கரிசனை கொண்ட அன்புள்ளம் கொண்டவராகவும் இருந்தார். தலைமைக்குரிய கண்டிப்பும் நேர்மையும் அதேநேரம் பிறருடைய உணர்வுகளை புரிந்தவாராக, அவர்களுடைய உணர்வு களிற்கும் மதிப்புக் கொடுக்கும் ஒருவராக இருந்தார். வெறுமனே தலைவர் அவர்களின் ஆளுமைக் கவர்ச்சியில் மட்டும் இளைஞ ர்கள் அவரை நோக்கி ஈர்க்கப்படவில்லை. அவரிடம் இருந்த பனமுகப் பண்புகளே அவரைத் தலைவராக ஏற்றுக்கொள்ள வைத்தது.

ஒரு நாள் தலைவர் வாகனத்தில் முகாமை நோக்கிப் போய்க் கொண்டிருந்தார். அப்போ து சைக்கிளில் மீன் வித்துக் கொண்டு சென்றார் ஒரு வியாபாரி. அவரைப் பார்த்த தும் தலைவருக்கு மீன் சாப்பிடும் எண்ணம் ஏற்பட்டது. உடனே மீன் வாங்கும் படி கூறி, வாகனத்தை நிறுத்தினார். வாகனத்தில் இருந்த பாதுகாவலர் பின்னுக்கு வந்த பாதுகாப்பு வாகனத்தில் வந்தவர்களிடம் மீன் வாங்குமாறு கூறினர். சிறிது நேரத்திலேயே மீன் வாங்கியாகிவிட்டது என தெரிவித்தனர். தலைவர் ‘என்ன இவ்வளவு கெதியா வாங்கி ட்டீங்களா?’ எனக் கேட்க, அந்தப்போராளியும் ‘ஓம் அண்ணை வாங்கியிட்டம்’ எனக் கூறினார். பின்னர் வாகனங்கள் புறப்பட்டு முகாமிற்குச் சென்றுவிட்டன.

வாகனத்திலிருந்து இறங்கிய தலைவர் ‘எங்க மீனைப்பாப்பம்’ என கேட்க அவர்கள் பெட்டிக்குள் இருந்த மீனைக்காட்டினார்கள். ஆச்சரியமைந்த தலைவர், ஏன் பெட்டியுடன் வாங்கினீர்கள் எனக் கேட்டார். அதற்குப் போராளி ‘நாங்கள் ஐந்து கிலோ கேட்டனா ங்கள், அவரிடம் ஐந்து கிலோ மட்டில் இருந்ததால் அப்படியே எடுக்கச் சொன்னவர். எங்களிட்ட பை ஒன்றும் இல்லை, அதால பெட்டியுடன் தாறீங்களா? அதுக்கும் காசு தருகின்றோம் எனக் கேட்டேன், வியாபாரியும் ‘மறுக்காமல் சரி என்று சொன்னார். அதோட அந்த இடத்தில் உங்களை வைத்துக் கொண்டு தாமதிக்க விரும்பவில்லை எனவே அப்படியே வாங்கிக் கொண்டு வந்திட்டன்’ என்றனர்.

அதற்குத் தலைவர் ‘நாங்கள் இயக்கம் என்ட படியால், கேட்டதை மக்கள் மறுக்காமல் தருவினம் ஆனால் ஒவ்வொருத்தரும் ஏதாவது ஒரு பொருளை அதிஸ்டமாகக் கருதுவினம், அதுபோன்று இந்த வியாபாரி க்கும் அந்தப்பெட்டியில் மீன்வித்தால் நல்ல வியாபாரம் நடக்கும் என்ற ஒரு நம்பிக்கை இருந்திருக்கும். சிலவேளை நாளைக்கு புதிய பெட்டி வாங்கி வியாபாரத்திற்குச் செல்லும் போது, சரியாக வியாபாரம் போகா விட்டால், அதிஸ்டமான பெட்டியை பெடியள் கேட்டதால கொடுத்திட்டனே என்று கவலைப் படக்கூடும். இந்தக் கருத்து மனைவி, பிள்ளை களிற்குகூட ஏற்பட வாய்ப்பிருக்கி ன்றது. இது இயக்கத்தைப்பற்றிய ஒரு தவறான பார்வையை மக்களிற்குள் தோற்றுவிக்கும். எனவே நீங்கள் நாளை எப்படியாவது இந்தப்பெட்டியை வியாபாரிக்கு கிடைக்கச் செய்து விடுங்கள்’ என்றார்.

மறுநாள் மீன் வாங்கிய இடத்துக்குச் சென்று அங்குள்ள மக்களிடம் மீன்வியாபாரியின் வீடு எங்கிருக்கின்றது என தேடிக்கண்டு பிடித்து, அந்தப்பெட்டியை திருப்பிக் கொடுக்க வியாபாரி வியப்படைந்து ஒரு புன்முறுவலுடன் வாங்கிக் கொண்டார். அன்று மதியம் மீன் வாங்கிய போராளியை அழைத்த தலைவர் ‘மீன் பெட்டியைத் திருப்பிக் கொடுத்து விட்டீர்களா?’ என அவ்வளவு வேலைகளுற்கு மத்தியிலும் கேட்டு உறுதிப்படுத்திக் கொண்டார்.

பிறிதொரு சம்பவத்தில் தலைவர் காலை யுணவருந்திக் கொண்டிருந்தவேளை கேணல் சங்கர் அண்ணை அலுவலாக வந்திருந்தார். அப்போது தலைவர் மாம்பழம் சாப்பிட்டுக் கொண்டிருந்தார். சங்கர் அண்ணை வந்ததும் ‘அண்ணை மாம்பழம் சாப்பிடுங்கோ’ என்று கூற அவரும் சாப்பிட்டார். மாம்பழம் நல்ல சுவையாக இருந்தது. சங்கர் அண்ணையும் நல்ல சுவையாக இருக்கின்றது எனச் சொல்லிச் சாப்பிட்டுக் கொண்டிருந்தார். அவரது மனவோட்டத்தை புரிந்து கொண்ட தலைவர் ‘மற்றப்பழத்தையும் சாப்பிடுங்கோ அண்ணை’ என்றார். சங்கர் அண்ணை சாப்பிடத் தொடங்க அண்ணை பாதுகாவலர்களிடம் ‘இன்னுமொரு மாம்பழம் ஒன்று வெட்டிவாங்கோ’ என்றார். உள்ளே சென்றுவிட்டு திரும்பி வந்த அவர் ‘மாம்பழம் முடிந்து விட்டது’ என்றார்.

சங்கர் அண்ணை முகம் சற்று மாறியதை கவனித்த தலைவர் உடனேயே ‘சரி, வாழைப்பழம் எடுத்துவாங்கோ’ எனக் கூற அவர் அதுவும் முடிந்து விட்டது என்றார். சங்கர் அண்ணை சங்கடப்படுவதை உணர்ந்த தலைவர். ‘சரி தம்பி’ என்று அந்த சம்பாசனையை முடித்துக் கொண்டார். பின்னர் சங்கர் அண்ணையுடன் சம்பந்தப்பட்ட விடயங்களை கதைத்து அவருக்கு மனச்சங்கடம் இல்லாமல் வேறு வகையில் அவரை சந்தோசமாக அனுப்பி வைத்தார்.

பின்னர் அன்று மாலை தலைவர் பத்திரிகை வாசித்துக் கொண்டிருந்தவேளை சம்பந்தப்பட்ட போராளி தலைவருக்கு முன்னால் சென்றார். ‘தம்பி இங்கை வாங்கோ’ என அப்போராளியை அழைத்து காலையில் நீங்கள் நடந்து கொண்டு முறை சரியா?’ எனக்கேட்டார். அவரும் எது என்று தெரியாமல் விழிக்க, தலைவர் சொன்னார் ‘காலையில் பழம்; கொண்டு வாங்கோ என்று சொல்ல, நீங்கள் சங்கர் அண்ணைக்கு கேட்கக்கூடியவாறு பழம் முடிந்து விட்டது என்று சொன்னீர்கள்.

அப்படி சொல்லியிருக்கக்கூடாது. ஏனென்றால் எனக்குரிய உணவை தான் சாப்பிட்டுவிட்டேனே என்ற குற்ற உணர்ச்சி சங்கரண்ணைக்கு ஏற்பட்டதை அவரின் முகமாற்றத்திலிருந்து அறிந்து கொண்டேன். உணவு பரிமாறும் போது விருந்தினர்களின் மனம் கோணாமல் நடந்து கொள்ளவும் உணவு பரிமாறிமாறவும் பழகிக் கொள்ளவேண்டும். இனிமேல் இப்படியான தருணங்களில் நான் கேட்கும் உணவு முடிந்து விட்டால், ஒரு ஒற்றையில் எழுதித்தாருங்கள் நான் அதைப் புரிந்து கொள்வேன் அவர்களிற்கும் தர்மசங்கடம்; ஏற்படாது’ என்று சொன்னார்.

இது தனிமனிதர்கள் மீதும் அவர்களின் தனிமனித உணர்வுகளிற்கும் தலைவர் கொடுக்கும் முன்னுரிமை, மதிப்பை எடுத்துக் காட்டுவதாக அமைகின்றது. இதனூடாகப் போராளிகளை மனிதநேயம், மனிதப் பண்புகள் உள்ளவர்களாக உருவாக்குவதன் மூலம், இப்போராளிகாளால் உருவாக்கப்படும் சமூகம் ஒரு நன்நெறி மிக்க சமூகமாகவும் நல்ல சிந்தனைகள், நற்பண்புகளைக் கொண்ட சமூகமாகவும் அடுத்தவர்களின் உணர்வுகளிற்கு மதிப்புக் கொடுப்பவர்களாகவும் உருவாக வேண்டும் என்பதை, தன்னைச் சுற்றியுள்ளவர்களிலிருந்து மாற்றவேண்டும் என்பதில் ஒரு தெளிவான பார்வை இருப்பதை வெளிக்காட்டுகின்றது.

ஒப்பற்ற தலைவன் எம் அண்ணண்.

உலகின் ஒரு மூலையில் மிகச்சிறியதோர் கூட்டத்திலிருந்து உலக நாடுகள் வியக்கும் வண்ணம் முன்னுதாரணமானதோர் விடுதலைப் போராட்டத்தை கட்டியெழுப்பியவர் எங்கள் தலைவர்..

நாற்புறமும் கடல்நீர் சூழ்ந்துள்ள சிறியதோர் நிலப்பரப்பில் சிறீலங்காவோடு சுற்றியிருக்கும் பெரிய நாடுகளான இந்தியா,சீனா,பாக்கிஸ்தான் நாடுகளினது நெருக்குவாரங்களுக்கு முகம்கொடுத்து மரபுவழி தாக்குதல் படையணிகள்,சிறப்பு படைபிரிவுகள்,பீரங்கிப்படை பிரிவு,கடற்படைபிரிவு,உலக உளவு அமைப்புகள் மெச்சும் மிகத்திறன் கொண்ட புலனாய்வுத்துறை,70க்கும் மேற்பட்ட கப்பல்களை கொண்ட அனைத்துலக ஆயுத கொள்வனவுப் பிரிவு,அரை உரிமம் கொண்ட செயற்க்கைகோள்.

இவற்றிக்கெல்லாம் மகுடம் வைத்தாற்போல் 2002ம் ஆண்டுமுதல் ஒரு அரசுக்கு இருக்கவேண்டிய அனைத்து துறைசார் அலகுகளுடன் கூடியதோர் நடைமுறை அரசை உருவாக்கி பல உலக நாடுகள் வியக்கும் வண்ணம் மிக நேர்த்தியான முறையில் அதனை நிர்வகிக்கும் திறனும் கண்ணியமும் ஒழுக்கமும் கொண்ட நிர்வாக ஏற்பாட்டையும் உருவாக்கி சாதனை செய்தவர் எம் தேசபெருந்தலைவர்.

உலகெங்கும் யூதர்கள் இருந்தாலும் இஸ்ரேல் அவர்கள் உரிமைப் பூமியாய் இருப்பதுபோல உலககெங்கும் கோடிக்கணக்கான தமிழர்கள் வாழ்ந்தாலும் தம் இனத்திற்கென்று ஒரு நாடிருக்கின்றது என்று பெருமையுடன் பேசும் நிலைக்கு மிக அருகில் தமிழினத்தை கொண்டுவந்தவர் எங்கள் தேதியத்தலைவர் மேதகு வே.பிரபாகரன் அவர்கள்.

இந்த நிலையை தமிழினம் அடைவதற்க்கு அவர்பட்ட கஷ்டம், துன்பம், துயரம், இன்னல், இடர்,இழப்பு கொஞ்சநஞ்சமல்ல.தன் பள்ளி பருவம் தொடங்கி தன் வாழ்நாள் முழுவதை யும் தமிழ் மக்கள் விடிவிற்காகவே அர்பணித்துக் கொண்டு இருக்கின்ற ஒப்பற்ற தலைவன் எம் அண்ணண்.

Tazama Chache

#சுதந்திரம்_வேண்டுவோருக்கு_உறுதி #தான்_வலுமிக்க_ஆயுதம்.! #மேதகு #பிரபாகரன்  #ஈழமறவர் #ஈழம் #தமிழர் #புலிகள் #ltte #Tamil #Eelam

Posted on

எமது போராட்டம் எத்தனையோ சவால்களுக் கு ஈடுகொடுத்து தனது விடுதலைப் பயணத் தில் வெற்றிநடைபோட முடிந்தது என்றால், அத ற்கான அடிப்படைக் காரணம் எமது இலட்சிய உறுதிதான் என்பதை நான் திட்ட வட்டமாகக் கூறுவேன். நீண்ட வரலாற்று அனுபவத்தில் நான் கண்ட உண்மை இது. ஒரு விடுதலைப் போராட்டம் பல சூறாவளிக ளைச் சந்திக்கிற து. பல நெருக்கடிகளை எதிர் கொள்கிறது. கொந்தளிப்பான பல சூழ் நிலைகளுக்கு முகம் கொடுக்கிறது.

விடுதலைப் போராட்டம் என்பது இரத்தம் சிந்தும் ஒரு ரணகளம். சாவையும், அழுகை யையும், துன்பத்தையும் பரிசாகக் கொடுத்து த் தான் நாம் சுதந்திரம் எனும் சுவர்க்கத்தைக் காணமுடியும். கரடு முரடான பாதைகள் நிறை ந்த இந்த இலட்சியப் பயணத்தில் எமக்கு ஒரே யொரு ஊன்று கோலாக இருப்பது எமது உறுதிதான்.

இன்று ஒரு புதிய நெருக்கடியான வரலாற்று த் திருப்பத்தை நாம் சந்தித்து நிற்கிறோம்.
எதிரிப் படைகள் யாழ்ப்பாணக் குடாநாட்டை முற்றுகையிட்டு நிற்கின்றன. பொருளாதாரத் தடைகளை இறுக்கி உணவுப் பஞ்சத்தை உண்டு பண்ண எதிரி முனைகிறான். இராணுவ அழுத்தம், பொருளாதார நெருக்கு தல் என்ற ரீதியில் இரு முனைகளில் எமது மக்கள் மீது யுத்தம் ஒன்று ஏவப் பட்டிருக்கி றது. எமது போராட்டத்தின் அசைக்க முடியாத அரணாக நிற்கும் எமது மக்களின் மனபலத் தை உடைத்துவிட எதிரியானவன் எல்லாவித தந்திரோபாயங்களையும் கடைப்பிடிக்கலாம் என்பது எமக்கு தெரியாதது அல்ல.
எமது மக்கள் சிங்கள இனவாத அடக்கு முறை யின் அக்கினிப் பட்டறையில் புடம் போடப் பட்டவர்கள் அரச பயங்கரவாதத்தின் அகோ ரங்களைச் சந்தித்தவர்கள் துன்பச் சிலுவை யைச் சதா சுமந்து பழகிரவர்கள். மரணத்தின் நிழலில் படுத்துறங்கி வாழ்பவர்கள்.
களைத்துப்போனவனின் இறுதி ஆயுதமாக உணவுப் போர் எமது மக்கள் மீது தொடுக்கப் படலாம் பட்டினித் தீயால் மக்களின் மன உறுதியைச் சுட்டெரிக்க எதிரி முயற்சிக்கலா ம். ஆனால் சுதந்திரப் பசியால் உறுதி பூண்ட மக்களை சோற்றுப்பசி தீண்டி விடப் போவ தில்லை.
எனது அன்பான மக்களே!
இன்று நாம் எதிர் கொள்ளும் இந்த நெருக்கடி யான சூழ்நிலையில் எதிரியின் எந்தச் சவா லுக்கும் நாம் முகம் கொடுக்கத் தயாராக இருக்க வேண்டும்.
எமது மனஉறுதிக்கு எதிரி சவால் விடுகிறா ன். இந்தச் சவாலை ஏற்பதற்கு எமக்கு ஆன்ம உறுதியைத் தவிர வேறு ஆயுதங்கள் தேவை யில்லை.
“புலிகளின் தாகம் தமிழீழத் தாயகம்”

தமிழீழத் தேசியத் தலைவர்
மேதகு வே. பிரபாகரன்

Tazama Chache

05.07.1993 கரும்புலிகள் நாளில் தமிழீழ தேசியத் தலைவர் அறிக்கை – காணொளி #வீரவணக்கம் #ஈழமறவர் #ஈழம் #தமிழர் #மாவீரர்கள் #Maaveerar #ltte #Tamil #Eelam

Posted on

05.07.1993 அன்று கரும்புலிகள் தினத்தை ஆரம்பித்து வைத்து தமிழீழ தேசியத் தலைவர் திரு வே பிரபாகரன் அவர்கள் விடுத்த அறிக்கை.!

எனது அன்புகுரியவர்களே !

கரும்புலிகள் நாளாகிய இன்றைய தினத்தில் கரும்புலி வீரர்களாகிய உங்கள் மத்தியில் கரும்புலிகள் பற்றி பேசுவதற்கு ஒரு சந்தர்ப்பம் கிடைத்ததையிட்டு பெருமகிழ்ச்சி அடைகிறேன். ஆறு ஆண்டுகளுக்கு முன்பு, இன்றைய தினத்தில் முழு இலங்கைத்தீவையும் அதிர வைத்த ஓர் சம்பவம் நிகழ்ந்தது. எமது விடுதலை இயக்கத்தின் முதலாவது கரும்புலி வீரன் கப்டன் மில்லர் ஓர் ஒப்பற்ற சாதனையை நிலைநாட்டினான். எமது வீரவரலாற்றில் என்றுமே நிகழாத ஓர் அதிசயம் ஒன்று அன்று நிகழ்ந்தது. எதிரியின் அசைக்க முடியாத கோட்டையாகத் திகழ்ந்த ஓர் இராணுவ முகாமை இந்த இளம்புலிவீரன் தனித்த ஒருவனாகச் சென்று தகர்த்தெறிந்தான். ஒரு பெரிய படையணியாலும் செய்ய முடியாத பாரிய இராணுவ சாதனையை தனிமனிதனாகச் சென்று இவன் சாதித்து முடித்தான்.

எரிமலையை சுமந்து சென்று எதிரியின் பாசறைக்குள் வெடிக்கவைத்தான். இந்தப் பூகம்பமான தாக்குதல் நிகழ்வு அன்றைய வரலாற்றுச் சூழ்நிலையையே மாற்றியமைத்தது. எதிரியின் சைனியங்கள் நிலைகுலைந்து பின்வாங்கின. ஒரு பெரிய படையேடுப்பின் பேரழிவிலிருந்து யாழ்ப்பாணம் தப்பிக் கொண்டது. தனிமனிதனாக எமது போராளி ஒருவன் தன்னை அழித்து தனது தேசத்தை பேரழிவிலிருந்து காப்பாற்றினான்.
முதன் முதலாக, எமது போராட்ட வரலாறு தியாகத்தின் அதியுன்னதமான ஒரு அற்புதத்தைப் பதிவு செய்துகொண்டது. அன்றிலிருந்து எமது போராட்ட மரபில் ஒரு புதிய அத்தியாயம் திறக்கப்பட்டது. என்றுமில்லாத வகையில் ஒர் புதிய போர் வடிவம் அறிமுகப்படுத்தப்பட்டது.
கப்டன் மில்லருடன் கரும்புலி வீரர்களின் சகாப்த்தம் ஆரம்பமாகியது. என்றுமே உலகம் கண்டிராத எண்ணிப்பார்க்க முடியாத தியாகப் படையணி ஒன்று தமிழீழத்தில் உதயமாகியது.
கரும்புலிவிரர்களின் தோற்றமும், தற்கொடைப் படையாக அவர்களின் வளர்ச்சியும் எழுச்சியும் மிக நுட்பமான அவர்களின் போர்ச் சாதனைகளும் எமது போராட்டத்தின் ஒரு வரலாற்று தேவையாகவே எழுந்தது.
நாம் இன அழிவை எதிர்கொள்ளும் ஒரு சிறிய தேசிய சமுதாயம். எமக்குக் குரல் கொடுக்கவோ உலகில் எவரும் இல்லை. நாம் தனித்து நிக்கிறோம். எமது சொந்தக் கால்களில் நிலைத்து நிற்கிறோம். பலம் வாய்ந்த எதிரிகள் எம்மைச் சூழ்ந்து நிற்கிறார்கள். எம்மை ஒழித்துக்கட்ட உறுதிபூண்டு நிற்கிறார்கள். முழு உலகமே ஒன்று திரண்டு எமது எதிரிகளுக்கு முண்டு கொடுத்து வருகிறது.

இந்த இக்கட்டாண ஆபத்தான சூழ்நிலையில் நிர்கதியாக நிக்கும் ஒரு மக்கள் சமுகம் என்ற ரீதியில் நாம் எம்மாலான சகல வழிகளையும் கையாண்டு, எமது சக்திகள் அனைத்தையும் பிரியோகித்து ஒரு தற்காப்புப் போரை நிகழ்த்த வேண்டும். இந்தத் தேவையை, நிர்பந்தத்தை நாம் அசட்டை செய்து விட முடியாது. அல்லாத பட்சத்தில் நாம் இனவாரியாக அழிந்து போவதை தவிர்க்க முடியாது.

பலவினமான எமது மக்களின் பலம் வாய்ந்த ஆயுதமாகவே கரும்புலிகளை நான் உருவாக்கினேன். கரும்புலிகள் எமது இனத்தின் தற்காப்பு கவசங்கள்;. எமது போராட்ட பாதையின் தடைநீக்கிகள். எதிரியின் படைபலத்தை மனோபலத்தால் உடைத்தெறியும் நெருப்புமனிதர்கள்.

கரும்புலிகள் வித்தியாசமானவர்கள். அபூர்வமான பிறவிகள். இரும்பு போன்ற உறுதியும், பஞ்சு போன்ற நெஞ்சமும் கொண்டவர்கள். தங்களது அழிவில் மக்களது ஆக்கத்தைக் காணும் அழமான மக்கள் நேயம் படைத்தவர்கள். இந்த உலகில் வாழும் மனிதன் ஒவ்வொருவனும் எல்லாவற்றுக்கும் மேலாக தன்னையே காதலிக்கிறான். தனது உயிரையே நேசிக்கிறான். உயிர் வாழ வேண்டும் என்று துடிக்கிறான். மனிதன் உயிரை நேசிப்பதால் உயிர் வாழ விரும்புவதால் உயிர் அற்று போகும் சாவு என்ற இல்லாமை நிலைக்கு பயப்படுகிறான். இது மனித இயல்பு. இயற்கையின் நியதி.

ஆனால் ஒரு கரும்புலிவீரன் தன்னைவிட தனது இலட்சியத்தையே காதலிக்கிறான். தனது உயிரைவிட தான் வரித்துக் கொண்ட குறிக்கோளையே நேசிக்கிறான். அந்த குறிக்கோளை அடைவதற்கு தன்னை அழிக்கவும் அவன் தயாராக இருக்கிறான். அந்தக் குறிக்கோள் அவனது சுயத்திற்க்கும் அப்பால் நிற்கும் மற்றவர்களின் நலன் பற்றியது. மற்றவர்கள் இன்புற்று இருக்கவேண்டும் என்பதற்காகத் தன்னை இல்லாதொழிக்கத் துணிவது தெய்வீகத் துறவறம். அந்தத் தெய்வீகப் பிறவிகள்தான் கரும்புலிகள்.

தேசிய விடுதலை என்ற உயரிய இலட்சியத்தை தழுவிக்கொள்ளும் ஒவ்வொருவனும் முதலில் தன்னை விடுதலை செய்து கொள்ளவேண்டும். தனது மனவுலக ஆசைகளிலிருந்தும் அச்சங்களிலிருந்தும் தன்னை விடுதலை செய்து கொள்பவன்தான் உண்மையில் விடுதலைவீரன் என்ற தகமையைப் பெற முடியும். மனமானது பயங்களிலிருந்து விடுதலை பெறும்போதுதான் வீரம் தோன்றுகிறது. துணிவு பிறக்கிறது.

இந்த மனவியல் உண்மையை நான் ஆரம்பத்தில் இருந்து எமது போராளிகளுக்கு எடுத்துரைத்து வருகிறேன். பயம் என்பது பலவினத்தின் வெளிப்பாடு. கோழைத்தனத்தின் தோழன். உறுதிக்கு எதிரி. மனித பயங்களுக்கு எல்லாம் முலமானது மரணபயம். இந்த மரணபயத்தைக் கொன்றுவிடுபவன்தான் தன்னை வென்று விடுகிறான். அவன்தான் தனது மனச்சிறையிலிருந்து விடுதலை பெறுகிறான். கரும்புலிகள் பயத்தின் வேர்களைப் பிடுங்கி எறிந்தவர்கள். சாவு அவர்களிடம் சரணடைந்து விடுகிறது. மரணத்தின் நாளை அவர்கள் எதிர்பாத்து காத்திருப்பார்கள். சாவு பற்றி அவர்கள் சிந்திப்பதில்லை. தம்மை அழிக்கும் அந்த இறுதி கணத்திலும் தம் இலக்கை அழிக்கும் நோக்கிலேயே அவர்கள் கண்ணும் கருத்துமாக இருப்பர். இலட்சிய உறுதியில் அவர்கள் இரும்பு மனிதர்கள்.
கரும்புலி என்ற சொற்பதத்தில் கருமையை மனோதிடத்திற்கும், உறுதிபாட்டிற்குமே நாம் குறிப்பிடுகிறோம்.இன்னொரு அர்த்த பரிமாணத்தில் இருளையும் அது குறியீடு செய்யும். பார்வைக்குப் புலப்படாத ஊடகமான இரகசியமான தன்மையையும் செயற்பாட்டையும் அது குறித்து நிற்கும். எனவே ” கரும்புலி ” என்ற சொல் பல அர்த்தங்களைக் குறிக்கும் ஆழமான படிவமாக அமையப் பெற்றிருக்கிறது.

இந்த இரகசியத்தன்மை கரும்புலி வெற்றிக்கு மூலாதரமானது. ஆளுக்கும் பெயருக்கும் அப்பால், அந்த தனிமனித தத்துவத்துக்கு அப்பால், செயற்ப்பாடே இங்கு முதன்மை பெறுகின்றது. மனிதர்களின் இருப்பைவிட மனிதர்களின் செயற்பாடே ஒரு போராட்ட வரலாற்றின் சக்கரத்தை சூழற்றுகிறது. பல கரும்புலிவீரர்கள் இன்று பெயர் குறிப்பிடாத கல்லறைகளில் அநாமதேயமாக உறங்கிய போதும் அவர்களது அற்புதமான சாதனைகள் வரலாற்றுக் காவியங்களாக என்றும் அழியாப் புகழ் பெற்றுவாழும்.
முகத்தை மறைத்து, பெயரையும் புகழையும் வெறுத்து இலட்சிய மூச்சாக தமிழீழ விடுதலைக் காற்றுடன் கலந்துவிட்ட இந்த சரித்திர நாயகர்களை நான் சிரம் தாழ்த்தி வணங்குகிறேன்.

மனித தியாகத்தின் இமயத்தைத் தொட்டுவிட்ட இந்த இனிமையானவர்களை நான் அறிவேன். அவர்களது நெஞ்சத்தின் பசுமையில் ஊற்றெடுத்த உணர்வுகளையும் நான் புரிவேன். ஏதோ ஒன்று மனித விடிவை நோக்கி நகரும் உந்து சக்தியாக அவர்களை ஆட்கொண்டிருந்தது. அந்த விடுதலையின் தாகத்தை தீர்க்க எதையும் செய்வதற்க்கு அவர்கள் தயாராக இருந்தார்கள். அவர்களை அரவணைத்து விடையளிக்கும்போது இனம் புரியாத உணர்வுகளால் என் ஆன்மா நடு;ங்கும். ஒரு புனித யாத்திரையில் அவர்கள் போனார்கள். கண்ணீர் வடித்து நிற்கும் எமது தேச மக்களுக்கு ஒரு புதிய வாழ்வு கிடைக்கும் என்ற அசையாத நம்பிக்கையில் அந்த தியாகப் பயணத்தை தொடர்ந்தார்கள். அந்த புனிதர்களை எண்ணும் பொழுதெல்லாம் எனது நெஞ்சு புல்லரிக்கும். கரும்புலி வீரர்கள் பற்றி இன்று உலகமெல்லாம் பேசுகிறது. அவர்களது மகத்தான தியாகத்தை கண்டு மலைத்துப் போய் நிக்கிறது.
பூகம்ப அதிர்வாக குமுறும் எமது போராட்டத்தின் உக்கிரத்தை உலக சமுதாயற்கு உணர்த்தியவர்கள் கரும்புலிகளே. அன்றோரு காலம் அமைதி வழியில் உரிமை கேட்டு ஆர்பரித்த தமிழினத்தை அடக்குமுறையாளனின் இரும்புக்கரங்கள் நசுக்கி விட்டன. இன்று நீதிகேட்டு நெருப்பாக எரியும் தமிழரின் ஆவேச எழுச்சியை எந்தச் சக்திகளாலும் நசுக்கிவிடமுடியாது.

‘இது கரும்புலிகளின் சகாப்தம்” இடியும் மின்னலுமாக விடுதலைப் புலிகள் போர்க்கோலம் கொண்டுவிட்ட காலம். இந்தப் புதிய யுகத்தில் எமது போராட்டம் புதிய பரிமாணங்களில் விரியும் சாவுக்கு விலங்கிட்ட மறவர்கள் புதிய சரித்திரம் படைப்பார்கள். எமது சந்ததியின் விடிவுக்கு விளக்கேற்றி வைப்பார்கள்.
கரும்புலிகளின் புனித தினமாகிய இன்றைய நாளில் வரைபடாத சித்திரங்களாகவும் எழுதப்படாத சரித்திரங்களாகவும் எமது வாழ்வுக்காக தமது வாழ்வைத் துறந்த அந்த அற்புதமான தியாகிகளை எமது நெஞ்சில் நிறுத்தி பூசிப்போமாக.

தமிழீழத் தேசியத் தலைவர்
மேதகு வே. பிரபாகரன்.
தமிழீழ விடுதலைப் புலிகள்,
தமிழீழம்.

“புலிகளின் தாகம் தமிழீழத் தாயகம்”

#கரிகாலன்… #Methagu #பிரபாகரன் #ஈழமறவர் #ஈழம் #மேதகு

Posted on

#கரிகாலன்…

நேற்றொரு கரிகாலன்
எங்கள் மன்னன்…
இன்றொரு கரிகாலன்
எங்கள் அண்ணண்…

இருவருக்கும்
ஒரேகுடி தமிழ்குடி
இருவருக்கும்
ஒரேகொடி
புலிக்கொடி…

மன்னன் கரிகாலன்
அன்னை தமிழகம்
காத்தான்…
எங்கள் அண்ணண்
கரிகாலன் தமிழ் ஈழம்
காத்தான்…

மன்னன் கரிகாலன்
கடல் ஆனை
செலுத்தினான்…
எங்கள் அண்ணண்
கரிகாலன் பகை கடலில்
வீழ்த்தினான்…

மன்னன் கரிகாலன்
காவிரிக்கு
அணைகட்டினான்…
அண்ணண் கரிகாலன்
சிங்கள போர்வெறிக்கு
அணைகட்டினான்…

மன்னன் பெருமை
நாங்கள் படித்த
ஏட்டில் கண்டது
எங்கள் அண்ணண்
பெருமை நேரில் நாங்கள்
நாட்டில் கண்டது…

#புலிகளின்_தாகம்_தமிழீழ_தாயகம்.

எழுத்தாக்கம் – பிரபா செழியன்

#மேதகு படத்தில் முக்கிய கதாபாத்திர தேர்வுகள் துல்லியம் ! #Methagu #பிரபாகரன் #ஈழமறவர் #ஈழம்

Posted on

#மேதகு படத்தில் வரும் முக்கிய கதாபாத்திர தேர்வுகள் எவ்வளவு துல்லியமாக ஒத்துப்போகிறது என்று பாருங்கள்.

பெரும்பாலானோர் கண்களுக்குத் தலைவரின் கதாபாத்திரம் மட்டுமே கண்ணுக்குத் தெரியும். ஆனால் படக்குழு அப்படி யோசிக்காமல் அனைத்து விடயங்களிலும் முக்கியத்துவம் கொடுத்து இருக்கிறார்கள்.!

தமிழீழ வரலாற்றை உண்மையாகச் சொல்லும் – “மேதகு”
தமிழீழ விடுதலைப் போராட்ட வரலாற்றை – தமிழீழ தேசியத் தலைவர் பிரபாகரன் அவர்களின் இளமைக்கால வரலாற்றைச் சொல்லும் திரைப்படமாக “மேதகு” திரைப்படம் வெளிவந்துள்ளது.

வடநாட்டவர்கள் இயக்கத்தில் “அமேசான் பிரைம்” ஓ.டி.டி. தளத்தில் வந்துள்ள “தி பேமிலிமேன் சீசன் – 2” என்ற இணையத் தொடரும், இயக்குநர் கார்த்திக் சுப்புராஜ் இயக்கத்தில் தனுஷ் நடித்த “ஜெகமே தந்திரம்” என்ற திரைப்படமும் தமிழீழ விடுதலைப் போராட் டத்தைக் கொச்சைப்படுத்தியுள்ள சூழலில், “மேதகு” திரைப்படம் வந்துள்ளது மிகமுக்கியமானது. உண்மை வரலாற்றைப் பதிவு செய்யும் அற்புதமான முன்னெடுப்பு!

விடுதலைப்புலிகள் தலைவர் மேதகு வே. பிரபாகரன் அவர்களைக் குடிகாரராகவும், போராட்ட வாழ்க்கையிலிருந்து விலகிச் செல்பவராகவும் மிகக் கேவலமான முறையில் “தி பேமிலிமேன் சீசன் – 2” தொடரில் சித்தரித்து இருந்தார்கள். “ஜெகமே தந்திரம்” என்ற திரைப்படத்தில் புலிகள் அமைப்பைச் சேர்ந்தவர்கள் ஆயுதம் கடத்தும் கும்பல் என்பதுபோல் காட்டியிருப்பார்கள். இப்படங்கள் வெளியீட்டில் எவ்விதச் சிக்கலும் எழவில்லை! ஆனால், “மேதகு” திரைப்பட வெளியீட்டில் அவ்வளவு தடைகள்!

அதிகாரத்தின் நிழலில் நின்று பேசும் “தி பேமிலிமேன் சீசன் – 2”, “ஜெகமே தந்திரம்” போன்ற படங்களுக்கு, “மேதகு” திரைப்படக் குழுவினர் தங்கள் மொழியில் பதில் அளித்துள்ளனர்.

தமிழீழத் திரைக்களம் சார்பில் “மேதகு” திரைப்படம் பி.எஸ். ஓ.டி.டி. தளத்தில் வெளியாகியுள்ளது.

தமிழீழ தேசியத் தலைவர் பிரபாகரன் இளமைக்கால வாழ்க்கை வரலாற்றை உண்மைத் தன்மையுடன் நேர்மையாக இயக்கியுள்ள இயக்குநர் தி. கிட்டு அவர்களுக்கு நம் பாராட்டுகள்! நெஞ்சார்ந்த வாழ்த்துகள்! இப்படியொரு படத்தைத் தயாரிக்க முன்வந்த திரு. செ. குமார், திரு. செயக்குமார் இருவருக்கும் பாராட்டுகள்!

இப்போதெல்லாம் இதுவொரு கற்பனைக் கதை என்று படத்தின் தொடக்கத்தில் போட்டுவிட்டு வரலாற்றைத் திரித்தும், அபத்தமாகவும் திரைப்படங்கள் வருகின்றன.

“மேதகு” படம் தொடர்பாக சர்ச்சைகள் எழுமாயின், அதனை தயாரிப்பாளர்கள் எதிர் கொள்வார்கள் என்ற வரிகளோடு “மேதகு” படம் தொடங்குகிறது!

தலைவர் பிரபாகரன் பிறப்பு தொடங்கி, தமிழினத் துரோகியாக விளங்கிய யாழ் மேயர் ஆல்பிரட் துரையப்பாவை சுட்டுக் கொல்வது வரை முதல் பாகம் வெளியாகியுள்ளது.

வல்வெட்டித்துறையின் பிரபலமான திருமேனியார் குடும்பத்தைச் சேர்ந்த திரு. திருவேங்கடம் வேலுப் பிள்ளை, பருத்தித்துறை நாகலிங்கம் வழிதோன்றிய பார்வதி இணையரின் நான்காவது மகனாகப் பிரபாகரன் பிறக்கிறார்.

ஒரு அண்ணன், இரண்டு அக்காமார்கள்! பிரபாகரன் அவர்களின் தந்தை இலங்கை அரசாங்கத்தின் மாவட்ட காணி அதிகாரியாக பணிபுரிகிறார்.

பண்டாரநாயக்கா அதிபராக இருந்தபோது, தமிழ் எழுத்துக்களை அழித்து “ஸ்ரீ” என்ற சிங்கள எழுத்தை எழுதச் சொல்லி சிங்களவர்கள் தமிழர்கள் மீது நடத்திய தாக்குதல்கள், 1970களில் தமிழ் மாணவர்களின் மேற்படிப்பைத் தடுக்க சிங்கள அரசு கொண்டு வந்த கல்வித் தரப்படுத்துதல் சட்டத்தை எதிர்த்த மாணவர்கள் போராட்டம் – இவைகளை சரியான முறையில் இயக்குநர் கிட்டு பதிவு செய்துள்ளார்.

பிரபாகரன் சிறுவனாக இருந்தபோது முதல் இனக் கலவரம் 1958இல் நடந்தது. பாணாந்துறையில் குருக்கள் ஒருவரை சிங்களவர் உயிரோடு எரித்தனர். சிறுவர்களை கொதிக்கும் தார்ப்பீப்பாய்களில் போட்டுக் கோரமாகக் கொன்றனர். இதைத் தடுக்க என்ன செய்யலாம் என்று பெரியவர்கள் பேசிக் கொண்டிருக்கும் போது, சிறுவன் பிரபாகரன் தன் தந்தையிடம், “நாம ஏன் திருப்பி அடிக்கல?” என்று கேட்கும் காட்சி உணர்ச்சிமயமானது.

தமிழர் மீதான தாக்குதலைக் கண்டிக்கும் வகையில், சிங்கள அரசுப் பேருந்தைக் கொளுத்தும் போது, நண்பர்கள் பயந்துவிடும் சூழலிலும் தன்னந்தனி ஒருவனாக பிரபாகரன் துணிச்சலுடன் அதில் ஈடுபடு கிறார். அவரது இலட்சியத்தில் உறுதியான நிலை பாட்டையும், போர்க்குணத்தையும் வெளிப்படுத்துவதாக இக்காட்சி உள்ளது.

துப்பாக்கியை முதல்முதலாகப் பார்க்கும்போது ஏற்படும் மகிழ்ச்சி, துப்பாக்கியைத் தொட்டுத் தடவியது கன்னத்தில் தடவும்போது ஏற்படும் பரவசத்தை ஏற்படுத்துகிறது.

எந்தவொரு செயற்கையான கதாநாயக பிம்பமும் இல்லாமல் இயல்பான தன்மையில் பிரபாகரன் பாத்திரத்தைப் படைத்துள்ளார்கள். ஆனால், வசனத்தில் – நடிப்பில் போர்க் குணத்தை சரியாகவே காட்டு கிறார்கள். இளையவயது பிரபாகரன் தோற்றத்தில் நடிகர் குட்டிமணி சிறப்பாக நடித்துள்ளார்.

படத்தின் இசையமைப்பாளர் பிரவின்குமார் பாடல்களிலும், பின்னணி இசையிலும் மிளிர்கிறார். ஒளிப்பதிவாளர் ரியாஸ், படத்தொகுப்பாளர் இளங் கோவன் ஆகியோர் சிறப்பாகத் தங்கள் பணியை செய்து, “மேதகு”வை செழுமையுறச் செய்துள்ளனர்.

“பஞ்சவர்ணக்கிளி” திரைப்படத்தில் இடம்பெறும் புரட்சிக்கவிஞர் பாரதிதாசன் அவர்களின் “தமிழுக்கு அமுதென்று பேர்” பாடல், பி. சுசிலா அம்மாவின் குரலில் கேட்கும்போது ஏற்படும் உணர்வு தனித்துவமானது.

“தமிழுக்கும் அமுதென்று பேர்” எனப் பாடலில் கவிஞர் திருக்குமரன் வரிகளும், பிரவீன்குமாரின் இசையும் உற்சாகத் துள்ளளை ஏற்படுத்துகிறது. ரோஜா ஆதித்யா குரல் தனிச்சிறப்பு!

இயக்குநர் கிட்டுவின் வரிகளில் உருவான “தாய் நிலமே மீண்டும் வருகிறோம்”, “உதிரம் வழிய” ஆகிய பாடல்கள் அருமை.

சிங்கள புத்த பிக்குகளின் நரித்தனங்களை நன்றாக அம்பலப்படுத்தியுள்ளனர்.

தமிழீழ விடுதலைப்போராட்டத்தின் முதல் தற்கொலைப் போராளி சிவக்குமரன், இறப்பு மிகச் சாதாரணமாகக் கூறப்பட்டுள்ளது.

நான்காவது உலகத் தமிழராய்ச்சி மாநாட்டுக் கலவரத்தில் 100க்கும் மேற்பட்டவர்கள் காயமடைந்த தாக வானொலியில் செய்தி சொல்லப்படுகிறது. மிகக் குறைவானவர்களே தாக்குதலுக்குள்ளாகின்றனர் என்பதுபோல் கலவரக் காட்சி உள்ளது.

உலகத் தமிழாராய்ச்சி மாநாட்டில் ஒன்பது பேர் சாவுக்குக் காரணமான யாழ்ப்பாண மேயர் ஆல்பிரட் துரையப்பாவை பிரபாகரன் பொன்னாலை வரதராசப் பெருமாள் கோவில் அருகே சுட்டுக் கொல்கிறார். “வரலாறு தொடரும்” என திரைப்படம் முடிகிறது,

நிராயுதபாணியாக உள்ள தமிழர்களை ஆயுதங்களால் சுட்டுக் கொல்லும் சிங்களவர் ஆதிக்கத்தை ஒழிக்க, திருப்பித் தாக்க வேண்டும் என்று கூறுபவரின் சொல்லையும் – மண்ணைக் காக்க, மக்களைக் காக்க போராடுவோம் என்ற தலைவர் பிரபாகரன் வரலாற்றையும் இராசசேகரன், பெருமாள் ஆகியோரின் தெருக்கூத்து மூலமாக சொல்லியுள்ளது மிகச்சிறப்பான திரைமொழி!

இவையெல்லாம் ”மேதகு” திரைப்படத்தின் அடுத்தடுத்த பகுதிகள், எப்போது வெளியாகும் என்ற எதிர்பார்ப்பை ஏற்படுத்தியுள்ளன.

சங்ககாலத் தமிழர்களின் அறம், அறிவு, வீரம் ஆகியவற்றை நம் சமகாலத்தில் உலகிற்கு எடுத்துரைத்த தமிழீழ விடுதலைப் போராட்டத்தையும், அதை மக்களுடன் இணைந்து முன்னெடுத்த தமிழீழ தேசியத் தலைவர் மேதகு வே. பிரபாகரன் அவர்களின் வாழ்க்கையையும் வெளிப்படுத்தும் ”மேதகு” போன்ற திரைப்படங்கள் காலத்தின் தேவையாக உள்ளன. நாம் உண்மைகளைக் காட்சிப்படுத்தத் தவறியதால்தான், “பொய்கள்” ஆட்டம் போடுகின்றன. எனவே, இதுபோன்ற கலைப் படைப்புகளை தமிழ் மக்கள் பேராதரவு கொடுத்து வரவேற்க வேண்டும்!

“மேதகு” படத்தை https://bsvalue.com இணைய தளத்தில் கட்டணம் செலுத்தி குடும்பத்தினரோடு பாருங்கள். நம் சமகால நாயகனை உங்கள் இல்லங்கள் வழியாக அடுத்தடுத்தத் தலைமுறைகளுக்குக் கொண்டு சேருங்கள்!

படக்குழுவினருக்கு மீண்டும் எமது பாராட்டுகள்!

===================================
தலைமைச் செயலகம்,
தமிழ்த்தேசியப் பேரியக்கம்

தலைவர் #பிரபாகரன் #மேதகு திரைப்படம் இன்று வெளியிடப்பட்டது ! #Methagu_in_BSvalue

Posted on

தலைவர் பிரபாகரனின் ஆரம்பகால வாழ்க்கையைச் சொல்லும் ‘மேதகு’ திரைப்படம், BS value OTT தளத்தில் இன்று வெளியானது.

விடுதலைப் புலிகள் இயக்கத் தலைவர் பிரபாகரனின் ஆரம்பகால வாழ்க்கை வரலாற்றைப் பதிவு செய்யும் விதமாக உருவாக்கப்பட்டுள்ள படம், ‘மேதகு’. இதன், கதை, திரைக்கதை, வசனம் எழுதி த.கிட்டு இயக்கியுள்ளார். BS Value என்ற ஓடிடி தளத்தில் இந்தப் படம் இன்று வெளியாகி உள்ளது.

இலங்கையில் தமிழர்களின் உரிமைகள் எப்படியெல்லாம் பறிக்கப்பட்டு அவர்களுக்கு அநீதி இழைக்கப்பட்டது என்பதையும், அதனை தனது சிறு வயது முதல் பார்த்து கோபமடைந்த ஒரு சாதாரண இளைஞன் எப்படி தனது இனத்தின் விடுதலைக்காக ஆயுதம் ஏந்தும் முடிவுக்கு வருகிறான் என்பதை பற்றியும் மிகவும் யதார்த்தமாகவும், நேர்த்தியாகவும் படம் பிடித்துக்காட்டியுள்ளார் இயக்குனர்.

இந்த திரைப்படத்தை கதை வசனம் எழுதி இயக்கியுள்ளார் இயக்குனர் தி.கிட்டு. மேலும் ஒளிப்பதிவாளர் ரியாஸ், இசையமைப்பாளார் பிரவீன் குமார், கலை இயக்குனர் முஜிபூர் ரகுமான், படத்தொகுப்பு இளங்கோவன் மற்றும் திரை வண்ணம் விநாயகம் ஆகியோர் இணைந்து இத்திரைப்படத்திற்கு மெருகூட்டியுள்ளனர். இந்த திரைப்படத்தினை தஞ்சை குமார் மற்றும் சுமேசு இருவரும் தயாரிப்பு நிர்வாகத்தை மேற்பார்வையிட்டு இப்படைப்பினை உருவாக்கியுள்ளனர். தயாரிப்பு நிர்வாகத்தில் ஈஸ்வர் பாட்சா மற்றும் சதீசு இருவரும் துணை புரிந்துள்ளனர். இந்தப் படத்தில் பிரபாகரன் கதாபாத்திரத்தில் குட்டி மணி நடித்துள்ளார். விடுதலைப்புலிகள் இயக்கத்தை அவர் உருவாக்க அவரைத் தூண்டிய விடயங்கள் உள்ளிட்ட இளமைக் கால பிரபாகரனை காட்சிப்படுத்தி உள்ளனர்.

இந்தப் படத்திற்கு இந்திய திரைப்பட பிரபலங்கள் பலரும் வாழ்த்துச் செய்தியை பகிர்ந்தும், படம் வெற்றிபெற தங்கள் வாழத்துரைகளை சமூகவலைத் தளங்களில் பகிர்ந்தும் உள்ளனர். இந்த வகையில், இயக்குநர் சசிகுமார், அவரது ருவிட்டர் பக்கத்தில், ‘ஈழத்தின் போராட்டத்தையும், அர்ப்பணிப்பையும் உலகுக்கு உரக்கச் சொல்லும் படமாக ‘மேதகு’ உருவாகி இருக்கிறது. ஈழத்தின் மீதான உலகளாவிய நற்பார்வை பெருக இந்தப் படம் மகத்தான வெற்றி பெற வேண்டும். வெல்வோம்’ என்று பதிவிட்டிருக்கிறார்.

மேலும் நடிகர் சத்தியராஜ் “மேதகு பிரபாகரனின் வாழ்க்கை வரலாற்றை திரிப்பவர்களுக்கு ‘மேதகு’ படம் நல்ல பதிலடியாக இருக்கும் என இந்த படத்தின் வெற்றிக்கு தனது வாழ்த்துக்களை கூறியுள்ளார்.

இசையமைப்பாளர் ஜி.வி பிரகாஷ் ” முப்படை கட்டி ஆண்ட ஒப்பற்ற தமிழரினத்தின் பெருமை மாவீரர் தலைவர் ’மேதகு’ பிரபாகரன் அவர்களின் வரலாற்றை ஒட்டி பதிவு செய்யப்பட்டுள்ளது. மாபெரும் வெற்றியடைய வாழ்த்துகள்” எனது தனது வாழ்த்துகளைத் தெரிவித்திருக்கிக்கிறார்.

இவர்களுடன் நடிகர் ராஜேஷ், இயக்குனர் பொன்வண்ணன், இயக்குனர் சேரன், இயக்குனர் அமீர், இயக்குனர் மாரி செல்வராஜ், இயக்குனர் கவுதமன், மற்றும் இயக்குனர் நவீன் ஆகியோர் இந்த திரைப்படத்தின் வெளியீட்டு அறிவிப்பினை தங்கள் சமூகவலைத் தளங்களில் பகிர்ந்து பாராட்டி வாழ்த்துரை வழங்கியுள்ளனர்.

இந்த மேதகு திரைப்படம் வெளியாகும் BS value OTT தளம் ஏற்கனவே பிரபலமான Black sheep என்கின்ற நிறுவனத்தின் Pay Per View என்கின்ற வசதியின் கீழ் முதன்முறையாக வெளிவரவிருக்கின்றது.

தலைவர் #மேதகு #பிரபாகரன் அவர்களிடம் இருந்து நாம் கற்க வேண்டிய சிறப்புகள் !

Posted on

சில….

அ) ஒரு சிறு குழந்தை தன்னைத் தேடி வந்தால் கூட எழுந்து நின்று வரவேற்பார். தேடி வந்தவர்களை அமரச் சொல்லி அமர்ந்த பின்னர்தான் தான் அமருவார்.

ஆ) சாதியோ, மதமோ, அழகோ, கறுப்போ வெள்ளையோ என பேதம் பார்க்க மாட்டார். இவர் இந்த செயலை செய்வதற்கு பொருத்தமானவரா? அதற்கு ஏற்ப அறிவும் ஆற்றலும் இருக்கிறதா? என்பதை மட்டும் அறிந்து கொண்டு அப்பணிக்கு பொருத்தமானவர்களிடம் பொறுப்பைக் கொடுப்பார். (இதனை இதனால் இவன்முடிக்கும் என்றாய்ந்து அதனை அவன்கண் விடல் என்ற வள்ளுவரின் வாக்குக்கு ஒப்ப நடந்து கொள்வார்.)

இ) முடியாது என்பது எதுவும் இல்லை. என்ற மனத்துணிவு கொண்டவர். திட்டமிடலும், வளமும் பயிற்சியும் வெற்றியைத் தரும் என்பார்.

ஈ) அதிர்ந்து பேசமாட்டார்.

செயலால் அதிரவைப்பார்.

உ) பாரிய தேடல் கொண்டவர். எந்த இருப்புக் கோட்டைக்கும் ஒரு பலவீனம் இருக்கும் அதைத் தேடிக் கண்டுபிடிப்பதே நெடி. அழித்தொழிப்பது இலகு என்பார்.

ஊ) குறித்த நேரம் தவறமாட்டார். 15 நிமிடம் முன்னதாக செல்வதே நேரம் குறித்தமைக்கு அழகு என்பார்.

எ) முடிவு: எடுத்துக் கொள்ள நேரம் எடுத்துக் கொள்வார். முடிவு எடுத்தபின் அதனை எளிதில் மாற்றமாட்டார்.

ஏ) நினைவாற்றல் மிக்கவர்.

ஐ) தரம்: பொருளின் விலை குறைவா கூடவா எனப் பார்க்க மாட்டார். தரம் அதி உயர்வாக உள்ள பொருட்களை மட்டும் நாடுவார்.

ஒ) புறம் பேச மாட்டார். ஓ) எந்தப் பிரச்சினையாக இருந்தாலும் வெளிநாட்டவர் என்ன சொல்லியிருக்கின்றார்கள் என பார்க்க முன்னர்…..தமிழ் அறிஞர்கள், நம் முன்னோர்கள் என்ன சொல்லியிருக்கின்றார்கள் என்பதை அறிந்து கொள்வார்.

ஒள) அதிக உடுப்புக்கள் வைத்திருக்க மாட்டார். வைத்திருப்பதை அழுக்கில்லாமலும் நேர்த்தியாகவும் அழகாகவும் அணிந்து கொள்வார்.

ஃ) வெற்றி பெற்றதை பற்றி அதிகம் பேசமாட்டார். ஆனால் அந்த வெற்றிக்கு காரணமானவற்றை நினைவில் இருந்த வேண்டும் என்பார்.

-திருமுருகவேந்தன் நன்றி முழக்கம் ஏடு ( 24- 05- 2002)

“எல்லோரையும்போல் நானும் ஒரு சாதாரண மனிதன்தான். ஆனால் தமிழ் மக்களுக்கு ஒரு பலவீனம் உண்டு. ஒருவருக்கு பெரிய உருவம் கொடுத்து, தெய்வம் போன்ற மாயையை அவரைச் சுற்றி உருவாக்கி, எல்லா பொறுப்பையும் அவர் மீது போட்டு, தங்கள் கடமை முடிந்ததென்று ஒதுங்கிக் கொள்வார்கள். தமிழனாகப் பிறந்த ஒவ்வொருவரும் செய்ய வேண்டிய கடமைகளை நானும் செய்திருக்கிறேன். ஒவ்வொரு தமிழரும் தமிழரென்ற வகையில் தாம் செய்யவேண்டிய கடமைகளை செய்தார்களென்றால் என்னை சுற்றின இந்த பிரம்மாண்டம் இருக்காது. நான் தலைவராகவே உங்களுக்குத் தெரியமாட்டேன்!”. – தமிழீழ தேசியத்தலைவர் – மேதகு வே.பிரபாகரன்

மேதகு  : தமிழினத்தின் தாயுமானவர் வேலுப்பிள்ளை பிரபாகரன் !

காலங்காலமாகவே ஈழத்தமிழர்களின் கண்ணீராலும் செந்நீராலும் தன்னை நிரப்பிக்கொண்டிருந்த தமிழர் கடலின் நடுவே அமைந்துள்ள ஒரு சின்னஞ்சிறு தீவில் பல அதிசயங்களைத் தனி மனிதராக நிகழ்த்திய விடுதலைப் புலிகள் இயக்கத்தின் தலைவர் மேதகு வேலுப்பிள்ளை பிரபாகரனின் பிறந்த நாள் இன்று!

பெற்றெடுத்து அன்பு பெற்றோரை, உடன் பிறந்தவர்களை, உற்றார் உறவினர்களை, காதலியை உதறித் தள்ளிவிட்டு தமிழீழ விடுதலைக்காக, தமிழ் மக்களைக் காப்பதற்காக எண்ணற்ற போராளிகள் எந்த தைரியத்தில் தங்களின் உயிரைத் துறக்க துணிகின்றனர் ?

அதிலும், இந்த நாளில், இந்த நேரத்தில், இந்த குறிப்பிட்ட இடத்தில் தங்களது உயிரை துறக்க வேண்டுமென வரும் கட்டளைக்கு காத்திருந்து அதற்காகப் போட்டிபோட்டுக்கொண்டு வீரச்சாவை விரும்பித் தழுவ முன்வந்து நிற்கும் மனநிலையை அவர்களுக்கு எது உருவாக்குகிறது ?

காலங்காலமாகவே ஈழத்தமிழர்களின் கண்ணீராலும் செந்நீராலும் தன்னை நிரப்பிக்கொண்டிருந்த இந்து மாகடல் எனும் தமிழர் கடலின் நடுவே அமைந்துள்ள ஒரு சின்னஞ்சிறு தீவில் இந்த அதிசயத்தைத் தனி மனிதராக நிகழ்த்திய அவர் யார்? அவருக்கும், அவரின் சொல்லுக்கும் ஏன் இத்தனை மரியாதை ?

இருக்கிறாரா ? இல்லையா ? என உறுதியாகக் கூற முடியாத அந்த மனிதனை எதன் பொருட்டு உலகத் தமிழர்கள் தெய்வம் போல கொண்டாடித் தீர்க்கிறார்கள் ?

தீவிரவாதி – பயங்கரவாதி என எதிர்ப்பாளர்களால் விமர்சிக்கப்படும் அவரை இன்னொரு பக்கம் ஒழுக்கசீலர், நேர்மையாளர், அறவாழ்வு வாழ்ந்தவர் என உலகமே கண்டு வியந்துகொண்டிருக்கிறது.

LTTE leader Prabhakaran's birthday special article

அறிவுச்சோலைக் குழந்தைகளுடன் தமிழீழ தேசிய தலைவர்

அவர் தான் தமிழீழ விடுதலைப் புலிகள் இயக்கத்தின் தலைவர் வேலுப்பிள்ளை பிரபாகரன்.

கெரில்லாப் போராட்டம் – உள்நாட்டு போர் – முப்படை கொண்ட விடுதலை இயக்கம் – தற்கொலைத் தாக்குதல் என இத்தனை சொற்களோடு தொடர்புடையவராக அவரை சர்வதேசம் அடையாளப்படுத்தினாலும், அவரை நிறைவாக கண்டறிய அவரது தலைமையிலான தன்னாட்சி தமிழீழ அரசு (de facto state) குறித்தும் அதன் மக்கள் நல செயல்பாடுகள் குறித்தும், அதனை அவர் செழுமைப்படுத்திய ஆற்றல் குறித்தும் நாம் அறிய வேண்டியது அவசியம். அதனையே இந்த கட்டுரை வாயிலாக வெளிக்கொண்டுவர முயல்கிறோம்.

இலங்கையில் அமைதியைக் கொணர விடுதலைப்புலிகள் இயக்கத்திற்கும் – ஸ்ரீலங்கா அரசுக்கும் இடையே நார்வே அரசு சமாதானம் பேசிவந்த போர் நிறுத்தம் நடைமுறையில் இருந்த ஒப்பந்த காலம். தமிழீழ இனப்படுகொலைக்கான களத்தை சத்தமில்லாமல் சிங்கள அரசு தயார்படுத்திக்கொண்டிருந்தது.

அந்த காலக்கட்டத்தில்தான் டிசம்பர் 25 ஆம் தேதியன்று சுனாமி எனும் ஆழிப் பேரலை அந்த சின்னஞ்சிறு தீவை பதம் பார்த்தது. குறிப்பாக, கடல் நீரையொற்றி இருந்த தமிழீழ (வட கிழக்கு) நிலபரப்பில் ஏறத்தாழ 27 ஆயிரத்திற்கு மேற்பட்ட தமிழ் மக்களின் உயிர் பறிப்போனது. வல்லாதிக்க நாடுகளின் முழு உதவிகளைப் பெற்ற வளரும் நாடுகள் கூட மீட்புப்பணிகளை நெறிப்படுத்த முடியாமல் திணறின. என்ன செய்வதென அறியாத இந்தியா போன்ற நாடுகள் முதல்நாள் வெறுமனே சோக இசையை ஒலிபரப்பிக்கொண்டிருந்தன.

அப்போது, தெற்காசிய கண்டத்தில் முதல்முதலாக ஆழிப்பேரலை பேரிடர் மீட்புப் பணியைத் தொடங்கியது விடுதலைப் புலிகள் இயக்கம். “இறைவனை மறந்ததால் ஏற்பட்ட தெய்வகுற்றம்” என கொழும்பு வானொலி தன் மூடத்தனதை பரப்பிக்கொண்டிருந்தபோது, “ஓலத்துடன் ஒப்பாரியெழுப்புவதால் ஒன்றும் மாறாது, தேசத்தை மீட்க களப்பணியே தேவை” என்றது புலிகளின் குரல் வானொலி. அது தான் பிரபாகரனின் தலைமை. நம்பிக்கை துளிர்க்க அடுத்தடுத்த நாள்களில் புலம் – களம் என்ற உறவுப்பால இணைப்புகளுடன் தமிழீழ மானுடம் கொஞ்சம் கொஞ்சமாக நிமிரத் தொடங்கியது. சின்னஞ்சிறிய தமிழீழத்தின் துயர் துடைக்க உலகம் முழுவதும் பரவி இருந்த ஏதிலித் தமிழர்கள் தங்களது பங்களிப்பை அளித்தனர்.

அடுத்தவர்களுக்காகக் காத்திராமல் தாயைப்போன்ற தலைவனின் வழிநடத்தலில் போராளிகள் அவசரகட்ட நடவடிக்கைகளில் நகர்த்தப்பட்டிருந்தனர். பாதிக்கப்பட்ட கடற்கரையோரப் பிரதேசங்களில் மருத்துவப்பிரிவுப் போராளிகளின் தொற்றுநோய்த்தடுப்பு முன்னெச்சரிக்கை பாதுகாப்பு பணிகளை செழுமைப்படுத்தினர்.

LTTE leader Prabhakaran's birthday special article

விடுதலைப் புலிகள் இயக்கத்தின் தலைவர் மழலைகளுடன் மழலையாக

மரணித்த உயிர்களை நாறும் பிணங்களாக அருவருப்போடு எண்ணிக் கணக்கிட்ட ஏனைய நாடுகளுக்கு மத்தியில், நாடாக அங்கீகரிக்கப்படாத தமிழீழமும் அதன் தலைமையும் அவர்களுக்கு உரிய இறுதி மரியாதையை செய்தது. வலிகளை மட்டுமே கண்ட ஈழத்தமிழினம், தங்களை அடக்கி ஒடுக்கி படுகொலை செய்த சிங்கள தேசத்தின் ராணுவத்திற்கு நட்புக்கரம் நீட்டியது. சிங்கள மக்களுக்கு உதவியது என்றால் நம்மால் நம்ப முடியுமா ?. அதனை செய்து மானிதாபிமானத்தின் உச்சத்தை தொட்டார் பிரபாகரன். ஒருவருக்கொருவர் ஒத்தாசையாக அடுத்தகட்ட வாழ்க்கைக்குத் தம்மைத் தயாராக்கினர்.

சுனாமி அடித்த சில மாதங்களுக்குள்ளேயே தமிழர்கள் அதிலிருந்து மீள தேவையான அனைத்து ஆக்கப்பூர்வமான செயல்களையும் விடுதலைப் புலிகள் நடைமுறைப்படுத்தினர்.

முதற்கட்டமாக பெற்றோரை இழந்த சிறார்களுக்காக சிறுவர் இல்லங்கள் திறக்கப்பட்டன. ஆழிப்பேரலையை நேரடியாகக் கண்ட சிறார்களின் உள நல மேம்பாடு கருதி, மனவள பயிற்சிகள் வழங்கப்பட்டன. முழுநீளக் கார்ட்டூன் படங்கள் குறுகிய காலத்திலேயே தமிழிற்கு மொழியாக்கம் செய்யப்பட்டு, பிள்ளைகளுக்குப் பயன்படக்கூடிய சம்பந்தப்பட்ட இடங்களுக்கு அனுப்பிவைக்கப்பட்டிருந்தன.

அனைவரும் நீச்சல் ஆற்றல் உள்ளவர்களாக இருந்திருந்தால் உயிரிழப்புகளை ஓரளவு குறைத்திருக்கலாம் என்ற விடுதலைப் புலிகள் இயக்கத் தலைவர் பிரபாகரனின் விருப்பம், வள்ளிபுனம் என்ற பகுதியில் செயல்வடிவம் பெற்றது. வளர்ந்த நாடுகளில் இருப்பது போன்ற மேம்பட்ட வசதிகளுடன் கூடிய நீச்சல் தடம் திறந்துவைக்கப்பட்டது.

மின்சாரம் கூட தடை செய்யப்பட்டிருந்த புலிகளின் கட்டுப்பாட்டு பகுதிக்குள், உடலளவில் வளர்ச்சி குன்றி இருந்த குழந்தைகளுக்கென சத்தான உலகத் தரம் வாய்ந்த உணவு வகைகள் வந்தடைந்தன.

ஒவ்வொரு தமிழனின் தனிப்பட்ட வாழ்விலான வெற்றியானது இனத்தின் ஒட்டுமொத்த கூட்டு வெற்றிக்கும், ஒட்டுமொத்த வெற்றியானது தனிப்பட்ட வெற்றிக்கும் வலுச்சேர்க்கும் என்ற யதார்த்த உண்மையை அதிகம் நம்பிய அவர், ஐந்தாம் வகுப்பிற்கு மேற்பட்ட அனைத்து சிறுவர்களுக்கும் பன்மொழி வகுப்புகளை நடத்த உத்தரவிட்டார். போர் ஆரம்பிக்கும்வரை இத்திட்டம் முன்னெடுக்கப்பட்டு வந்தமை குறிப்பிடத்தக்கது.

நாட்டு மக்களின் விருப்பங்களை, கனவுகளை, எதிர்காலத்தை மட்டுமே சிந்தித்து, வாழ்ந்தவராகவே அம்மக்களால் மதிக்கப்படும் அவரது அடுத்த கனவும் தனது நாட்டின் இளம் தலைமுறையை பற்றியதாகவே இருந்துள்ளது.

அப்போது, தமிழீழப் பகுதியில் இயங்கிவந்த பள்ளிகளில் கல்வியானது ஒவ்வொருவருக்குள்ளும் மறைந்துள்ள ஆற்றலை இனங்கண்டுகொள்ளவோ, வளர்த்தெடுக்கவோ உதவுவதில்லை என நினைத்த அவர், அறிவியற் கழகம் ஒன்றை உருவாக்கினார். விசுமடு என்ற பகுதியில் மிக விரைவாக பிரமாண்டமாக கட்டப்பட்ட அந்த மையத்தில் இலத்திரனியல் கணினியம், இயந்திரவியல், பௌதீகவியல், ஆங்கிலம் என வெவ்வேறு துறைகளுக்கென ஆய்வுக்கூடம், நூலகம், வகுப்பறை, துறைசார் அறிஞர்களின் வழிநடத்தல்களுடன் கற்பிக்கப்பட்டது.

மேதகு 66 : தமிழினத்தின் தாயுமானவர் வேலுப்பிள்ளை பிரபாகரன் !

தாயுமானவனான பிஞ்சு குழந்தையும் பேசும் பேரன்பாளன்

2004 ஆம் ஆண்டின் இறுதியில், ஐ.நா சபை உலக மொழிகளில் விரைவில் அழியவுள்ள மொழிகளின் பட்டியலில் தமிழை இணைத்து ஆய்வறிக்கை ஒன்றை வெளியிட்டிருந்தது. இந்த தகவல் பிரபாகரனின் தலைமையகத்தை அடைந்ததுதான் தாமதம். உலக தமிழ் மானுட கூடல் எனும் நிகழ்வை ஒருங்கிணைத்தார். உலகின் பல்வேறு பகுதிகளிலும் இருந்து தமிழின மொழி பண்பாட்டு ஆளுமைகளை, அறிவர்களை தமிழீழ நடைமுறை அரசின் தலைநகரான கிளிநொச்சிக்கு அழைத்து சந்தித்தார்.

அவர்களுடன் கலந்துரையாடியதன் அடிப்படையில், பொறியியல், மருத்துவம், கட்டடவியல், சட்டம், கணக்கியல், அறிவியல், வரலாறு, மானுடவியல், தொல்லியல் என் பல்வேறு துறைசார்ந்த சொற்களை தமிழாக்கம் செய்து, சொற்களஞ்சியமாக உருவாக்க ஆணையிட்டார். இதற்காக அறிவர் குழுவொன்று அமைக்கப்பட்டது. அந்த குழு அளித்த சொற்களஞ்சியம் இன்று உலகின் பல்வேறு பகுதிகளில் தமிழர்களால் இன்று பயன்படுத்தப்பட்டு வருகிறது.

இனிவரும் காலம் தொழிற்நுட்ப யுகத்தால் மட்டுமே வழிநடத்தப்படும் என கணித்த தமிழீழ தேசிய தலைவர் பிரபாகரனின் தொலைநோக்கு பார்வை, கன்னித் தமிழை கணினி மொழிக்கு ஏற்ப வடிவமைக்க வேண்டிய அவசியத்தை வலியுறுத்த வைத்தது.

LTTE leader Prabhakaran's birthday special article

கணினித் திரையை சீர்பார்க்கும் அரசியல் பிரிவப் பொறுப்பாளர் தமிழ்ச்செல்வன்

உலகின் பல பாகங்களிலுமிருந்த பல கணினி வல்லுநர்கள், தமிழ் வல்லுநர்களை சந்தித்தார். தமிழிற் கணினி பற்றியும் மிகவும் ஈடுபாட்டுடன் கலந்துரையாடினார். தமிழும் தமிழர் சார்ந்த எல்லா விடயங்களுமே அங்கே அலசப்பட்டன. அதன் பயனாய், ஆதமி போன்ற மென்பொருட்கள் உருவாக்கப்பட்டன. அடுத்தகட்ட வளர்ச்சியாக, தமிழ் விசைப்பலகைகள் உருவாக்கப்பட்டன. இதன் விளைவாய், நேரடியாகவே தமிழைக் கணினியில் உள்ளீடு செய்யும் வசதி ஏற்பட்டது. உலகளவில், கணினி பயன்பாட்டு மொழியில் தமிழ் இன்று நிலைத்திருப்பதற்கும் ஈழத்தமிழர்களை வழிநடத்திய அவரது மொழிப்பற்று முதன்மை பங்கு வகித்தது.

இதுவரை உலகில் தோன்றிய போராளிகளிலேயே அதிகம் பேசாதவராக அறியப்படும் அவர், ஆற்றல்மிகுந்த செயற்பாடுகளினூடாக சிந்தனையை செயல்படுத்திய முறையிலேயே தன்னை நிலைப்படுத்திக்கொண்டார். 30 ஆண்டுகால அவரது போராட்ட வாழ்வை ‘தமிழினத்தின் தன்னெழுச்சிக் காலம்’ எனலாம்.

மேதகு 66 : தமிழினத்தின் ஆண் தாய் வேலுப்பிள்ளை பிரபாகரன் !

மேதகு 66 : தமிழினத்தின் ஆண் தாய் வேலுப்பிள்ளை பிரபாகரன் !

பத்து மாதம் ஒரு பிள்ளையைச் சுமந்து ஈன்றெடுப்பவள் தாய் ஆகின்றாள். அவளது தாய்மை அவள் ஈன்றெடுத்த பிள்ளைக்கு என்ன தேவை என்பதை உணர வைத்தது. இது இயற்கையான பிணைப்பு. ஒட்டுமொத்த தமிழினத்தையும் தனது இதயங்களில் சுமந்து அவர்களின் எதிர்காலத்திற்காகத் தன் முழு வாழ்நாளையும் அர்ப்பணித்து நின்ற பிரபாகரன், இங்கு அந்த தாயிக்கும் மேலானவராக மாறி நிற்கிறார். அவரது தலைமையும் தாய்மை போன்றதுதான். அதனால்தான் அவரை உலகத் தமிழினம் தாயுமானவராக போற்றுகிறதோ என்னவோ ?!.

#மேதகு திரைப்படம் நம் இன வரலாற்று ஆவண படம் ! @naiyappudai #ஈழமறவர் #பிரபாகரன் #ஈழம் #தமிழர் #விடுதலைப்புலிகள் #Prabhakaran #Tamil #Eelam #ltte

Posted on

மேதகு என்ற பெயரை வைத்த நாள் தொடங்கி ஒவ்வொரு நாளும் ஒருவித பிரச்சனை எதிர்கொண்டே மேதகுவை வளர்த்தெடுத்தோம்.காட்டிக் கொடுப்புகளும் ,,அரசியல் நெருக்கடிகளும்,,அதிகார அச்சுறுத்தல்களுக்கு முகம் கொடுத்தே மேதகுவை உறுவாக்கினோம்….

மற்றவர்களை பொறுத்தவரை இதுவொரு சினிமா??? எங்களைப் பொறுத்தவரை ஒரு இனத்தின் சொல்ல மறந்த கதை/// வளரும் இளைய தமிழ்ச்சமூகத்திற்கு சொல்லப்பட வேண்டிய வீர வரலாறு////

மேதகு இசைவெளியீட்டு விழா பின்னர் போராட்ட களத்தில் நின்ற அல்லது தமிழீழ போராட்டத்தின் தொடக்கம் காலந்தொட்டே ஆய்ந்து அறிந்தவர்களுக்கு திரையிட்டு காட்டி திருத்தங்களை மேற்கொள்ள ஏதுவாக திரையிட்டுக் காட்டியது,,இறுதியாக தமிழ்தேசிய ஆளுமைகளை,,உதவிய நண்பர்களை அழைத்து சிறப்பு திரையிடல் வரை எல்லா நிகழ்வுகளும் முதலில் தடுக்கப்பட்டும் பின்னர் அது உடைக்கப்பட்டே நிகழ்வுகள் நடந்தேறின….

மேதகு திரைபபடம் வெளியாகவிருந்த தனியார் Ott நிறுவனுத்துடன் ஒப்பந்தம் கையெழுத்திடப்பட்டு அதில் நானே கையெழுத்திட்டு அதன் வரவு செலவுகளை பார்ப்பதற்கு ஆக்ஸ்சிஸ் வங்கியில் புதிதாக வங்கி கணக்கு தொடங்கப்பட்டு தனியார் Ott நிறுவனத்திடம் மேதகுவின் படம் தொடர்பான காட்சிகள் ஒப்படைக்கப்பட்டன.அவர்களும் கடந்த ஒருவார காலமாக அதை வெளியிடுவதற்கான முன்னேற்பாடுகளை செய்து வந்தனர்…

நேற்று முன்தினம் (மே 20) மாலை 3.30 க்கு ஒரு லின்க்கை கொடுத்து உலக முழுவதும் வெவ்வேறு நாடுகளில் இருக்கும் உங்கள் நண்பர்களை பார்க்க சொல்லுங்கள் என அந்த லின்க்கை கொடுத்தனர்/// அமெரிக்காவில் நண்பர் அரவிந்தும் ,,லண்டனில் அண்ணன் சுதன் தலைவனின் தம்பி அவர்களும் ஆஸ்ரேலியாவில் சகோதரன் Aravinth Gurusamy அவர்களும் டென்மார்க்கில் சுமேஷ் அண்ணனும் பார்க்க ஏற்பாடு செய்து ஒருசில தொழில்நுட்ப கோளாறுகள் சரி செய்யப்பட்டு மேதகு வெளியாக 99.9% வேலைகள் நிறைவடைந்த மனநிலையில் இருந்தோம்////

நேற்று மாலை அந்த தனியார் Ott நிறுவன மேலாளரும்,,லீகல் டீம் தலைவரும் என்னையும் ,,அண்ணன் சுமேஷ் அவர்களையும் ,,தம்பி கிட்டுவையும் அழைத்து எங்களுக்கு சிவப்பு நோட்டீஸ் கொடுக்கப்பட்டுள்ளது /// அதை நாளை வெளியிட முடியாது என்று சொன்ன போதுதான் மேதகு என்ற சொல்லின் அர்த்தமும் ,,ஆழமும் புரிந்த்து/// இது நாங்கள் ஏற்கனவே எதிர்பார்த்தது தான்…

இப்படி ஒரு வேளை தடைசெய்யப்பட்டால் நாம் செய்யவேண்டிய மாற்று ஏற்பாடுகளை குறித்து ஏற்கனவே நாங்கள் முடிவு செய்து வைத்திருந்ததால் எங்களுக்கு பெரிய ஏமாற்றம் இல்லை குறித்த தேதியில் வெளியிட முடியவில்லை என்ற வருத்தம் தான் லேசாக…

எங்க தடுக்கப்பட்டோமோ?? அது முதலில் உடைக்கப்பட வேண்டும் என்ற மேதகுவின் தத்துவத்தை அப்படியே உள்வாங்கி மேதகுவை உங்களிடம் ஒரிரு நாட்களில் உங்களிடம் சேர்ப்போம்/// இனி வெளியாகும் தேதி அறிவிப்பெல்லாம் ஒருபோதும் இல்லை /// நேரடியாக பட வெளியிடு மட்டுமே படக்குழுவால் அறிவிக்கப்படும்…

எமக்காக ,,அந்த உன்னத தலைவனுக்காக உங்கள் பொன்னான ,,விலைமதிக்க முடியாத நேரத்தை,,உழைப்பை கொட்டி சமூக வலைதளங்களில் நீங்களே ஊடகமாக மாறி பரப்புனீர்கள் //// உங்களுக்கு நன்றி என்ற ஒற்றை வார்த்தையில் கடந்து செல்லமுடியாது/// எங்கள் வெற்றி என்பது ஒவ்வொறு தமிழீழ உணர்வாளர்களின் வெற்றி //// காத்திருங்கள் வெற்றிவிழாவில் கூடி களித்திருப்போம்////

அன்புடன்
தமிழீழதிரைக்கள குழுவினர்

https://tamileelathiraikalam.com/

MEDHAGU Official 2.0

#மேதகு திரைப்படம் வரும் சனிக்கிழமை (மே 22) OTT தளத்தில் வெளியாகிறது.. படக்குழுவினர் மிகப்பெரிய பொருளாதார சிக்கலில் இருக்கிறார்கள் லட்சங்கள் பல கடன் வாங்கி அதற்கு வட்டியும் கட்டி கொண்டிருக்கிறார்கள் (விரைவில் பொதுவெளியில் வெளிட இருக்கிறார்கள்) இது மிகுந்த மனவேதனையை அளித்தது… ஈழ வரலாற்றை, பிரபாகரனை ஆவணபடுத்த ஒருவன் திரைப்படம் எடுத்து கடனாளியாகி விடகூடாது என்று இந்த தமிழ் சமூகம் நினைக்க வேண்டும்.. இந்த படத்தின் டிக்கெட் விலை எத்தனை ரூபாய் நிர்ணயிக்க போகிறார்கள் என்று தெரியவில்லை.. குறைந்தபட்சம் ரூ.150 நிர்ணயத்தாலும், இந்த படத்தை சுமார் 75 ஆயிரம் பேர் பார்த்துவிட்டால் படக்குழுவினர் இழந்த பொருளாதாரத்தையாவது மீட்பார்கள்..

இந்த சமூகத்திற்கு தேவையில்லாத எத்தனையோ குப்பை படங்கள் ரூ.50 கோடி, ரூ.100 கோடி என்று வசூல் செய்கிறது. நம் இன வரலாற்று ஆவண படம் இழப்பை சந்தித்தால் அது ஈழத்தை, பிரபாகரனை நேசிக்கும் பிள்ளைகளின் நமது தோல்வி தான்.. இது போன்ற படைப்பாளிகளை ஊக்கப்படுத்தினால் தான் அடுத்தடுத்த நமது வரலாற்றை, வலிகளை ஆவணப்படுத்தும் படைப்பாளிகள் பலரும் வருவார்கள்.. எனவே இந்த படத்தை ஒவ்வொருவரும் முடிந்த அளவில் உங்களது நண்பர்கள், உறவினர்கள் என்று குறைந்தது 10 நபர்களையாவது பார்க்க வைத்துவிடுங்கள் 🙏..

ஒரு லட்சம் பேர் இந்த படத்தை பார்த்தால், நமது வரலாற்றை ஆவணப்படுத்த கிட்டு போல பல படைப்பாளிகள் உருவாவர்கள்.. இல்லை எனில் கிட்டு தான் இறுதி படைப்பாளி..! படத்தை இயக்குபவன் யாரா வேண்டாலும் இருக்கடும்.. படத்தில் வருபவன் பிரபாகரன்… அவ்ளோ தான்.

பதிவர்: சகோதரி அன்பரசி

@prabhakaran_ntk_offical